Түгээмэл асуултууд
Асуулт: Имплантын эмчилгээнд насны хязгаарлалт байдаг уу?
Хариулт: Ясны өсөлт боловсорч гүйцсэн (дунджаар 16-аас дээш насныхан), эрүүл мэндийн болон анатомийн бүх шаардлага хангагдсан тохиолдолд хэн ч суулгацын эмчилгээ хийлгэж болно. Үндсэндээ насны хязгаарлалт байхгүй, гэхдээ энэ нь эрүүний ясны байдлаас хамаарна.
Асуулт: Имплантын эмчилгээний зардал хэд байдаг вэ?
Хариулт: Эмчилгээний өртөг нь суулгацын тоо, төрөл, имплант дээр тавих бүрээсний төрөл, мөн өвчтний байдлаас хамаарч өөр өөр үнэтэй байдаг.
Асуулт: Имплант суулгахад хэр хугацаа шаардагдах вэ?
Хариулт: Суулгацын өмнө амны хөндийд хэсэгчилсэн мэдээ алдуулалтыг хийдэг тул бараг өвдөлтгүй гэж хэлж болно. Хагалгаа хийхэд нийт 30 минутаас 2 цаг хүртэл хугацаа шаардагдана. Мэдээ алдуулалт гарсны дараа өвдөж, хавдаж болох бөгөөд энэ нь богино хугацаанд арилдаг. Ихэнх тохиолдолд өвчтөн эмнэлэгт хэвтэх шаардлагагүй ч суулгацын тооноос хамаарч эмнэлэгт хэвтэх шаардлагатай гарах боломжтой. Гэхдээ имплант суулгасан өвчтөнүүдийг эмчилгээний дараа сайн амрахыг зөвлөдөг.
Асуулт: Имплант суулгасны дараа хоолоо зажилж идэж чадах уу?
Хариулт: Имплантын эмчилгээ хийлгэснээр зажлах үйл ажиллагаа мэдэгдэхүйц сайжирна. Өвчтөн имплант шүдэлбэртээ дасах хүртэл таагүй мэдрэмж төрж магадгүй ч хэсэг хугацааны дараа та өмнөх шигээ франц талх, алим, мах зэрэг хоолыг зажлах боломжтой болно.
Асуулт: Ясанд имплант суулгаснаар биед ямар нэгэн сөрөг нөлөө үзүүлэх үү?
Хариулт: Титан имплант нь биологийн хувьд нийцтэй бөгөөд муудаж, зэвэрдэггүй. Мөн титан нь сөрөг урвал үүсгэдэггүй нь батлагдсан. Тиймээс хүний биед сөрөг нөлөө үзүүлэхгүй.